Լուրեր

Հայ առաքելական Սուրբ եկեղեցի

Արարատյան հայրապետական թեմ

Մկրտվեցին Խարբերդի մանկատան սաները

Մայիսի 26-ին Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ Ս. Երրորդություն եկեղեցում տեղի ունեցավ Խարբերդի մանկատան 17 սաների մկրտությունը: Մկրտությունը կատարեց եկեղեցու հոգևոր հովիվ Տ. Զենոն քահանա Բարսեղյանը: Երեխաների կնքահայրերը եկեղեցու երիտասարդաց միության անդամներն էին: Արարողությանը ներկա էին մանկատան տնօրեն Հարություն Բալասանյանը, մանկավարժները, երեխաների հարազատներ ու եկեղեցու համայնքի անդամները:

 

Դիմելով ներկաներին` Տ. Զենոնն ասաց, որ շուրջ ինն ամիս համագործակցելուց հետո եկեղեցու ավազանում նոր ծնունդ են ստանում յուրաքանչյուրիս օգնության կարիքն ունեցող այս փոքրիկները:


Համայնքի անդամները երեխաների համար խաչերից բացի պատրաստել էին նաև նվերների փաթեթներ` աղոթագրքեր, խաչով թևնոցներ:


Մանկատան սաների հետ համայնքի անդամները բավական սերտ կապի մեջ են: Հաճախակի այցելություններից զատ համայնքի անդամները երեխաներին ամեն ամիս կինոթատրոն կամ թատրոն են տանում` փորձելով փոխել երեխաների առօրյան:
 


Արարատյան Հայրապետական թեմի տեղեկատվական բաժին

1 14 13 12 11 10 9 8 7 6 5 4 3 2 15
Դիտվել է 786 անգամ:
« Վերադառնալ ցանկ

Արխիվ

Թեմական կյանք