Լուրեր

Հայ առաքելական Սուրբ եկեղեցի

Արարատյան հայրապետական թեմ

Մեր հերոսների օրհնությամբ պսակադրություն Եռաբլուրում

Արարատյան Հայրապետական թեմի Եռաբլուրի Ս. Նահատակաց եկեղեցում պսակադրության արարողություն էր:

Գարիկ Սարգսյանը դեռ մի քանի տարի առաջ երգիչ, ազատամարտիկ Դավիթ Ամալյանի խոսքերից ոգեշնչված` ուխտ է8 արել, թե ամուսնանալու է հենց այս եկեղեցում:

«Մի օր Եռաբլուրում պարոն Ամալյանն ասաց. «Հերիք է՝ ինչքան եկանք պանթեոն՝ տխրելու, թող այս եկեղեցում պսակադրություն լինի, ընտանիք կազմվի»: Այս խոսքերն այնքան տպավորվեցին, որ որոշեցի պսակադրվելու ժամանակ մեր հերոսների օրհնությունը ստանալ. սա էր իմ ուխտը»:

Եռաբլուրի Ս. Նահատակաց եկեղեցու հոգևոր հովիվ Տեր Բաբկեն քահանա Հայրապետյանը պատմում է, որ շատ է ուրախացել, երբ լսել է երիտասարդների ուխտի մասին.


«Այս եկեղեցին խորհրդակատարությունների համար ամբողջովին բաց է, այստեղ մկրտություններ են կատարվում, պսակադրություններ: Բոլոր նահատակների նպատակը մեկն էր. կյանքը պետք է շարունակվի… Այսօր լավ առիթ է. կկատարենք պսակադրության կարգ և կօրհնենք, որ մյուս տարի էլ զավակ ունենան. և մեր եկեղեցում մկրտենք»:

 

Աննա Հարությունյան

Դիտվել է 1006 անգամ:
« Վերադառնալ ցանկ

Արխիվ

Թեմական կյանք