Լուրեր

Հայ առաքելական Սուրբ եկեղեցի

Արարատյան հայրապետական թեմ

Այսօր Նավասարդ Սրբազանի քահանայական ձեռնադրության տարեդարձն է

Գերաշնորհ Սրբազան հա´յր, Արարատյան Հայրապետական թեմի քահանայից դասի, ողջ աշխատակազմի և հավատացյալ հայորդիների անունից շնորհավորում ենք Ձերդ Սրբազնության քահանայական ձեռնադրության տարեդարձի առթիվ:
1987թ. այս օրը հանձն առաք քահանայական ձեռնադրության բարձր պատիվն ու պատասխանատվությունը, որը տարիների ընթացքում արդյունավորվեց ինչպես հովվական-եկեղեցաշեն, այնպես էլ կրթական, մշակութային, ազգային գործունեությամբ:
Ձեր հայրական նվիրումի և սիրո օրինակը թող շարունակի բազմաթիվ հավատացյալների մշտանորոգ հավատքի խարիսխն ու լուսատուն լինել՝ ի շինություն Հայ Եկեղեցու:


Մաղթում ենք Ձեզ քաջառողջություն, աստվածային զորակցություն՝ շարունակելու ուխտի այն ճանապարհը, որին կոչվել եք՝ հաղթահարելով բազում մարտահրավերներ հանուն մեր Մայր Եկեղեցու պայծառ ընթացքի:

 

Որդիական խոնարհութեամբ մատչիմք ի համբոյր Ձերդ Սրբազնութեան սուրբ աջոյն:

 

Դիտվել է 2003 անգամ:
« Վերադառնալ ցանկ

Արխիվ

Թեմական կյանք