Լուրեր

Հայ առաքելական Սուրբ եկեղեցի

Արարատյան հայրապետական թեմ

Բացվեց Մխիթար Գոշի դիմաքանդակը

Մայիսի 31-ին Արարատյան Հայրապետական թեմի առաջնորդական փոխանորդ գերաշնորհ Տ. Նավասարդ արքեպիսկոպոս Կճոյանը մասնակցեց Հայաստանի փաստաբանների պալատի մոտ տեղադրված՝ Մխիթար Գոշի դիմաքանդակի բացմանը։

 

Միջոցառումը Սրբազան հոր նախագահությամբ սկսվեց Տերունական աղոթքով։ Գոշի դիմաքանդակը Փաստաբանների պալատին է նվիրաբերել Կառլեն և Սառա Եսայանների ընտանիքը։ Փաստաբանների պալատի նախագահ Արա Զոհրաբյանի խոսքով՝ միջնադարյան հայ ականավոր հոգևորականի իրավական աշխատանքներն այսօր շատ կարևոր են։ Նա դեռևս միջնադարում մեծ նշանակություն էր տալիս մարդու իրավունքներին, որոնց ջատագովն է եվրոպական իրավական համակարգը։ Այդ առումով պատահական չէ, որ նրա դիմաքանդակը հետայսու լինելու է փաստաբանների ուշադրության ներքո։

 

Միջոցառմանը ներկա էին ՀՀ ԱԺ և կառավարության անդամներ։

 

 

Արարատյան Հայրապետական թեմի տեղեկատվական բաժին

Դիտվել է 1636 անգամ:
« Վերադառնալ ցանկ

Արխիվ

Թեմական կյանք