Լուրեր

Հայ առաքելական Սուրբ եկեղեցի

Արարատյան հայրապետական թեմ

«Հարության Ավետիս» խորագրով կանթեղներով երթ

Ապրիլի 15-ին` Ս. Հարության Ճրագալույցի Ս. Պատարագի ավարտին, Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ թեմի երիտասարդներն իրականացրեցին «Հարության Ավետիս» խորագրով կանթեղներով երթ: 
 

Երթը մեկնարկեց Արարատյան Հայրապետական թեմի առաջնորդանիստ Ս. Սարգիս եկեղեցուց: Շարականների ու հոգևոր երգերի ուղեկցությամբ մասնակիցները թեմի երիտասարդական կառույցների հոգևոր համակարող Տ. Պետրոս ավագ քահանա Մալյանի գլխավորությամբ Մ. Մաշտոց պողոտայով և Ամիրյան փողոցով քայլեցին դեպի Հանրապետության հրապարակ: Քարե ¬գորգի վրա երիտասարդները վառվող կանթեղներով խաչ կազմեցին՝ ի նշան Քրիստոսի Հրաշափառ Հարության:


«Հարության Ավետիս» քայլերթին մասնակցեցին թեմի ու տարբեր երիտասարդական հասարակական կազմակերպությունների, ՀՅԴ երիտասարդական թևի անդամներ, զինվորներ, ՀՀ Ոստիկանության ակադեմիայի ուսանողներ և այլք:

 

Արարատյան Հայրապետական թեմի տեղեկատվական բաժին

 

Կանթեղներով երթ Կանթեղներով երթ
Դիտվել է 600 անգամ:
« Վերադառնալ ցանկ

Արխիվ

Թեմական կյանք