Լուրեր

Հայ առաքելական Սուրբ եկեղեցի

Արարատյան հայրապետական թեմ

Վարդավառն Արարատյան Հայրապետական թեմում սկսվել է

Հուլիսի 2-ին Արարատյան Հայրապետական թեմի առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի օրհնությամբ թեմի երիտասարդաց միությունները «Վերականգնենք մեր ազգային տոները» խորագրի ներքո կազմակերպել էին Վարդավառի տոնախմբություն: Մասնակցում էին «Ոստան», «Վարք հայոց», «Տավրոս» ազգագրական երգի-պարի խմբերը:

 

Մասնակիցներն ազգային երգուպարով, տոնական մեծ թափորով Արարատյան Հայրապետական թեմի առաջնորդանիստ Ս. Սարգիս եկեղեցուց քայլեցին դեպի Մանկական զբոսայգի: Թափորն առաջնորդում էր թեմի երիտասարդական կառույցների համակարգող Տ. Պետրոս ավագ քահանա Մալյանը: Տոնախմբությանը միացել էին նաև Երևանի քաղաքապետարանի մշակույթի վարչության պետ Ռուբեն Հովհաննիսյանը, վարչական շրջանների երգի-պարի խմբերը, բազմաթիվ երևանցիներ ու տուրիստներ: Մասնակիցների ուշադրությունը գրավում էին ավանակն ու նրան բազմած «տատիկը»:

 

Այգում տոնը լրացվեց ազգային երգուպարով: Ներկայացվեցին տոնի ժողովրդական սովորույթները. կրակի մեջ խնձոր խորովեցին և բաժանեցին ներկաներին, ցորենի հասկերից խաչբուռ պատրաստեցին, բեմադրեցին խնդումի և պուռմատիկինի ծիսական դրվագները: Բեմականացվել էր Նոյ նահապետի ու նրա ընտանիքի իջնելը Մասիսից: Միջոցառումն ավարտվեց ջրախաղով և աղավնիներ երկինք բաց թողնելով:

 

Նավասարդ Սրբազանի օրհնությամբ և աջակցությամբ թեմի երիտասարդներն ամեն տարի նոր շունչ են հաղորդում ազգային տոներին` ավելի ու ավելի մեծ ժողովրդականություն հաղորդելով դրանց: Բարեկենդանի, Միջինքի, Ս. Հարության, Համբարձման տոների շարքում Վարդավառն արդեն երկրորդ տարին իր ուրույն տեղն է զբաղեցնում:

 

 

Արարատյան Հայրապետական թեմի տեղեկատվական բաժին

Vardavar Vardavar Vardavar Vardavar Vardavar Vardavar Vardavar Vardavar
Դիտվել է 967 անգամ:
« Վերադառնալ ցանկ

Արխիվ

Թեմական կյանք