Լուրեր

Հայ առաքելական Սուրբ եկեղեցի

Արարատյան հայրապետական թեմ

Աստված պահապան ձեզ, քա´ջ տղերք

Ապրիլի 25-ին Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի օրհնությամբ Բյուրավանի Ս. Գրիգոր Լուսավորիչ եկեղեցու հոգևոր հովիվ Տ. Ղազար քահանա Պետրոսյանն իր և Արարատի Ս. Հակոբ եկեղեցու համայնքների հավաքած առաջին անհրաժեշտության իրերն ու սնունդը հասցրեց Արցախի պաշտպանական դիրքեր:


Մարտակերտի հոգևոր հովիվ Տ. Բարսեղ քահանա Անդրյանի և Մարտակերտի զորամասի գնդերեց Հովհաննես սարկավագ Անդրյանի ուղեկցությամբ նրանք բարձրացան Մարտակերտի առաջնագիծ:
Այսօր թեմի տեղեկատվական բաժնի աշխատակիցների հետ զրույցում Տ. Ղազարը, պատմելով սահմանապահ զինվորների մասին, ասաց. «Մեր տղաները քրիստոնյային վայել համարձակությամբ խրոխտ կանգնած են առաջնագծում»:


Աստված պահապան ձեզ, քա´ջ տղերք:


Հայ Եկեղեցու միլիոնավոր զավակների նման Արարատյան Հայրապետական թեմի համայնքների անդամներն էլ այս օրերին ամեն ջանք գործադրում են` սահմանապահներին աջակցելու և զորակցելու համար: Սա արդեն վեցերորդ խումբն էր, որ այս ապրիլին մեկնեց Արցախ:

 

Արարատյան Հայրապետական թեմի տեղեկատվական բաժին

 

1 2
Դիտվել է 719 անգամ:
« Վերադառնալ ցանկ

Արխիվ

Թեմական կյանք