Լուրեր

Հայ առաքելական Սուրբ եկեղեցի

Արարատյան հայրապետական թեմ

Սերը տարիքը չհարցրեց

Հոկտեմբերի 2-ին Երևանի թիվ 1 տուն-ինտերնատում Արարատյան Հայրապետական թեմի Ս. Երրորդուրթյուն եկեղեցու հոգևոր հովիվ Տ. Պարթև քահանա Մուրադյանը պսակի խորհրդով միացրեց երկու զույգ տարեցների՝ Հասրաթին ու Նվարդին, Վալերիանին ու Արաքսյային: Նրանք ծանոթացել են տուն-ինտերնատում, սիրահարվել ու որոշել են միասին անցկացնել իրենց կյանքը: 

 

Պսակադրության արարողությունից հետո երկու ամուսնությունները գրանցվեցին քաղաքացիական կացության ակտերի գրանցման գործակալության աշխատակցի կողմից, նորապսակներին տրամադրվեցին ամուսնության վկայականներ:


Հարսանիքը համընկել էր Տարեցների միջազգային օրվան: Նորապսակներին ու տուն-ինտերնատում ապրող մյուս տարեցներին շնորհավորելու էին եկել ՀՀ առաջին տիկին Ռիտա Սարգսյանը, ՀՀ աշխատանքի և սոցիալական հարցերի նախարար Արտեմ Ասատրյանը, ՀԽՍՀ ժողովրդական արտիստ, հայ երգիչ Ռուբեն Մաթևոսյանը, հաղորդավար Սուսաննա Շահինյանը, Արաքս Գյուլզադյանը, Թովմաս Պողոսյանը:

 


Արարատյան Հայրապետական թեմի տեղեկատվական բաժին

Դիտվել է 1630 անգամ:
« Վերադառնալ ցանկ

Արխիվ

Թեմական կյանք