Խաղ-վիկտորինա հոգեւոր թեմաների մասին
Հունիսի 17ին Արարատյան Հայրապետական թեմի Դավթաշենի Սրբոց Նահատակաց եկեղեցու հոգևոր հովիվ Տեր Խորեն քահանա Մարուքյանի օրհնությամբ Դավթաշենի կիրակնօրյա դպրոցում տեղի ունեցավ խաղ-վիկտորինա։ Այն նպատակ ուներ ստուգելու երեխաների հոգեւոր գիտելիքները, որը նրանք ստացել են ողջ տարվա ընթացքում։
Խաղի ընթացքում երեխաները ներկայացրեցին իրենց գիտելիքները և հարցերի միջոցով ամրապնդեցին այն ամենը ինչ սովորել էին։ Հարցերն ու դրանց պատասխանները լավ առիթ էին նաեւ նոր գիտելիքներ ձեռք բերելու, չիմացածը սովորելու համար։
Խաղի մասնակիցները նվերներ ստացան ու պատվոգրերի արժանացան։
Արարատյան Հայրապետական թեմի տեղեկատվական բաժին
- 2023-06-19